“三八”里的庆嫂
郭锦生
一、在蔗地
风铲云埋红日，
庆嫂铲泥仔埋蔗鸡。
红日冚咗云，
中午就高到头顶。
泥被兜里的蔗鸡，
秋天会担遮甜不停。
风懒，闹要拉庆嫂回家。
庆嫂将汗线掹断，要留下。
二、与鸡鸭鹅
庆嫂：唧唧唧，唧唧唧……
鸡们：咯咯咯，咯咯咯……
庆嫂撒了一揸
沙田将汗抄翻出嚟的谷子，
鸡们急点头，猛肯定。
庆嫂：嘎嘎嘎，嘎嘎来……
鸭们：呱呱呱，呱呱呱……
庆嫂将猪糠、剩饭和菜颊
捞成田基特色糕点端上，
鸭们好狼胎，食到拧拧下。
庆嫂：邀呀呀，邀呀呀……
鹅们：我先，我先，我先……
食草翻嚟，鹅们
死鬼咁喜欢稻谷抠野菜，
只只肥噋噋，庆嫂越睇越嫐。
三、跌入咗蜜糖埕
大公月仲未出。
女儿：妈，我地送您一束香乃馨，
祝您“三八”妇女节快乐！
庆嫂：睇得唔食得，又花哩嘀钱！
食得饭嘅啦，叫打麻将嘅老豆收工啦。
好，等我将花插起先。
莲子蓉咁嘅脸靓过香乃馨，
庆嫂一下跌入咗蜜糖埕。
